Kom GROET DIE GROTMAN in die Wieg van die Mensdom, 4&5 April

By: Mar. 29, 2014
Get Access To Every Broadway Story

Unlock access to every one of the hundreds of articles published daily on BroadwayWorld by logging in with one click.




Existing user? Just click login.

Dis hier! Rob Becker se wegholsukses komedie, DEFENDING THE CAVEMAN, in Afrikaans as GROET DIE GROTMAN, kom maak op 4 en 5 April vanjaar 'n draai in die Wieg van die Mensdom aan Gauteng se Wes-Rand! Die produksie is by die Magalies River Lodge in Magaliesburg op die planke, en besprekings kan gedoen word by Computicket op 0861 915 8000 of by www.computicket.com. Koos Kombuis het die stuk in Afrikaans vertaal en verwerk, Sandra Prinsloo het die regie hanteer en Hannes Muller speel die rol van DIE GROTMAN. Besoek gerus ook www.grotman.com vir meer inligting.

GROET DIE GROTMAN is 'n humoristiese eksplorasie van die verskille tussen mans en vrouens en hoe daardie verskille veroorsaak dat ons mekaar totaal misverstaan. "Grotman slaag daarin om 'n diepgewortelde universele senuwee te raak ... die verskille tussen mans en vrouens ... en wat baie lekker is dat daardie senuwee op komiese wyse uitgebeeld word", se regisseur Sandra Prinsloo. "En die sukses van Grotman kan beslis daarin toegeskryf word. 'n Wonderlike teks deur Rob Becker en ewe wonderlik vertaal en verwerk deur Koos Kombuis en Hannes Muller se briljante vertolking as Die Grotman is beslis redes hoekom GROET DIE GROTMAN so gewild is."

Kyk, so was dit al die jare maar. Seker ook in Meneer en Mevrou Ples se Sterkfontein-grot in die Wieg van die Mensdom. Meneer Ples het nooit die gras gesny nie. Mevrou Ples het alewig skoongemaak. Kon hy nie eerder... hoekom het sy nie... kon hy dan nooit... moes sy aanhoudend... WAG! Ongelukkig vir die Ples-egpaar was dit in die jare voor GROET DIE GROTMAN. Voordat vandag se paartjies mekaar in die hare invlieg, moet hulle 'n draai maak by die produksie! Die solostuk het alle teaterrekords laat spat. GROET DIE GROTMAN is 'n humoristiese verkenning van die verskille tussen mans en vrouens, hoekom dit so is, en waarom dit nooit sal verander nie. Nie nou nie, en nie in alle ewigheid nie. Want mans is jagters en vroue is gaarders. Die produksie is 'n manier vir mense om hulself en die teenoorgestelde geslag beter te verstaan, en terwyl julle so lekker vir mekaar lag, vind daar heling plaas. En as hulle na die stuk kar toe loop, is dit met 'n bietjie beter begrip vir mekaar. En is dit nie al genoeg waarde vir die teaterkaartjies nie?

Hierdie eenman-stuk het die afgelope ses jaar reeds meer as 900 uitverkoopte vertonings dwarsoor die land gehad. "Dit is wonderlik dat DEFENDING THE CAVEMAN in Afrikaans in Suid-Afrika opgevoer word," sê skrywer Rob Becker. "Dit maak tog altyd so 'n groot verskil as jy teater kan ervaar in jou eie huistaal." Maar hoe verklaar Becker DEFENDING THE CAVEMAN se reuse sukses? "Daar vind definitief heling plaas wanneer 'n paartjie in 'n donker teater saam met honderde andere lag en besef hulle is nie alleen nie. En glo my as die paartjies na die stuk kar toe loop, vind daar al klaar ernstige ... jy weet wat ... plaas. En is dit nie al genoeg waarde vir die teaterkaartjie nie?"

Vervaardiger Frans Swart sê dat toe hy destyds die Amerikaanse regte van GROET DIE GROTMAN (DEFENDING THE CAVEMAN) deur Becker verkry het, hy besef het dat hierdie 'n baie suksesvolle produksie gaan wees. "Maar min het ons besef dat dit so 'n ongelooflike wegholsukses verhaal gaan wees. Die span, Sandra, Hannes en Koos, is uit 'n kreatiewe oogpunt die beste! Maar ons toer ook die produksie na die kleinste en grootste dorp of stad in die land en dit was vir ons baie belangrik om ook weer toneel, en in hierdie geval komedie, na die mense toe te vat. En dit sit mense aan die praat. Elke opvoering sover was totaal uitverkoop en dit is beslis 'n rekord vir Suid-Afrikaanse teater. En steeds stroom die mense in en wat wonderlik is, is dat mense twee en drie keer terugkeer ... elke keer met nuwe pêlle. Grotman het beslis 'n legende geword in Suid-Afrika!"

En sê Hannes Muller: "Na meer 900 vertonings is ek steeds voor elke vertoning opgewonde om die Grotman se storie aan die mense te vertel. En dis belangrik. GROET DIE GROTMAN gee mense 'n manier om hulself en hul gades te verstaan en terwyl hulle so lekker vir mekaar lag. Ons het ons eie interpretasie aan die stuk gegee, dit in die Suid-Afrikaanse konteks geplaas, maar tog by die essensie van Becker se oorspronklike stuk gebly. Ek het baie pret op die verhoog met die Grotman en glo die wie dit nog nie gesien het nie gaan net soveel pret hê." Sien julle by GROET DIE GROTMAN!"

Besoek ook die Grotman se eie webwerf by www.grotman.com.



Comments

To post a comment, you must register and login.

Vote Sponsor


Videos